3 కోట్ల ఖ‌రీదైన వాచ్‌ ధ‌రించిన సాక్షీ ధోనీ

చెన్నై సూపర్ కింగ్స్, ముంబై ఇండియన్స్ మధ్య ఏప్రిల్ 23న ముంబై స్టేడియంలో జరిగిన ఐపీఎల్ మ్యాచ్‌ను ఎంఎస్ ధోనీ భార్య సాక్షీ ధోనీ వీక్షించింది. ప్రేక్షకుల గ్యాలరీలో చాలా కలర్‌ఫుల్‌గా కనిపించిన ఆమె మ్యాచ్‌ను ఆసక్తిగా ఆస్వాదించింది. ఈ సందర్భంగా ఆమె క్రీమ్ కలర్ ఫ్లోరల్ ప్రింట్ డ్రెస్సులో స్టైలిష్‌గా దర్శనమిచ్చింది.

అయితే ఆ మ్యాచ్‌కు హాజరైన సాక్షీ ధోనీ ధరించిన విలాసవంతమైన వాచ్ అందరి దృష్టిని ఆకర్షించింది. ఆమె చేతికి ఉన్నది సుమారు 3 కోట్ల రూపాయల విలువైన రిచర్డ్ మిల్లే వాచ్‌గా గుర్తించబడింది. ఫోటోగ్రాఫర్ తీసిన చిత్రంలో ఆమె వాచ్ స్పష్టంగా కనిపించింది. ఈ వాచ్ రిచర్డ్ మిల్లే RM 67-02 వాడే వాన్ నీకెర్క్ మోడల్‌గా తెలుస్తోంది. ఇది అత్యంత తేలికపాటి, షాక్ రెసిస్టెంట్ లగ్జరీ స్పోర్ట్స్ వాచ్.

స్విస్ కంపెనీ రూపొందించిన ఈ వాచ్‌ను అథ్లెట్ల కోసం ప్రత్యేకంగా డిజైన్ చేశారు. క్వార్ట్జ్ TPT మెటీరియల్‌తో తయారైన ఈ వాచ్‌లో ఎల్లో, గ్రీన్ రంగులు దక్షిణాఫ్రికా జాతీయ జెండాను సూచిస్తాయి. సాంకేతికంగా అత్యాధునికంగా రూపొందించిన ఈ వాచ్ ధర సుమారు 3.34 లక్షల డాలర్లు (దాదాపు 3.1 కోట్లు రూపాయలు)గా ఉంది. గ్రీన్ కలర్‌లో ఆకర్షణీయంగా కనిపించిన ఈ లగ్జరీ వాచ్ సాక్షీ ధోనీ స్టైల్‌ను మరింత హైలైట్ చేసింది