మొబైల్ డేటాపై జీబీకి రూ.1 పన్ను? పరిశీలనలో కేంద్ర ప్రభుత్వం

మొబైల్ డేటా వినియోగంపై జీబీకి రూ.1 పన్ను విధించే ప్రతిపాదనను కేంద్ర ప్రభుత్వం పరిశీలిస్తున్నట్లు సమాచారం. డిజిటల్ వినియోగం పెరుగుతున్న నేపథ్యంలో అదనపు ఆదాయం సాధించడం, అలాగే యువతలో పెరుగుతున్న డిజిటల్ అలవాట్లను నియంత్రించడం లక్ష్యంగా ఈ ఆలోచన ముందుకు వచ్చినట్లు తెలుస్తోంది.

ప్రస్తుత లెక్కల ప్రకారం 2024-25 ఆర్థిక సంవత్సరంలో దేశవ్యాప్తంగా సుమారు 229 బిలియన్ జీబీల డేటా వినియోగం నమోదైంది. ఈ మేరకు జీబీకి రూ.1 పన్ను అమలు చేస్తే సంవత్సరానికి దాదాపు రూ.22,900 కోట్ల వరకు ఆదాయం పొందే అవకాశం ఉందని అంచనా వేస్తున్నారు.

ఈ ప్రతిపాదన సాధ్యతపై అధ్యయనం చేయాలని టెలికమ్యూనికేషన్స్ శాఖకు బాధ్యతలు అప్పగించారు. ఈ అంశంపై పూర్తి నివేదికను 2026 సెప్టెంబర్ నాటికి సమర్పించే అవకాశముంది. అయితే ఈ పన్ను అమలుపై ఇప్పటివరకు తుది నిర్ణయం తీసుకోలేదని అధికారులు స్పష్టం చేశారు.