ధనుష్ ‘కర’.. తెలుగు ట్రైలర్ విడుదల

పీరియాడికల్ యాక్షన్ థ్రిల్లర్‌గా తెరకెక్కుతున్న ‘కర’ సినిమా తెలుగు ట్రైలర్ విడుదలైంది. ‘పొర్ తొళిల్’ ఫేమ్ దర్శకుడు విఘ్నేశ్ రాజా ఈ చిత్రాన్ని రూపొందించగా, ఇందులో ప్రముఖ నటుడు ధనుష్ హీరోగా నటిస్తున్నారు. హీరోయిన్‌గా మమితా బైజు నటించగా, కె.ఎస్. రవికుమార్, సూరజ్ వెంజరమూడు వంటి ప్రముఖులు కీలక పాత్రలు పోషించారు.
ఇప్పటికే తమిళంలో విడుదలైన ట్రైలర్ ప్రేక్షకుల నుంచి మంచి స్పందన పొందగా, తాజాగా విడుదలైన తెలుగు ట్రైలర్ కూడా ఆసక్తిని రేకెత్తిస్తోంది. ట్రైలర్‌లో యాక్షన్ సన్నివేశాలు, కథా నేపథ్యం, పాత్రల తీరు సినిమాపై అంచనాలను మరింత పెంచుతున్నాయి.
ఈ చిత్రం ఈ నెల 30న ప్రేక్షకుల ముందుకు రానుంది. ట్రైలర్‌తోనే మంచి బజ్ క్రియేట్ చేసిన ‘కర’ సినిమా విడుదల తర్వాత ఎలా మెప్పిస్తుందో చూడాలి.