యూకేలో శాశ్వత నివాసానికి కఠిన నిబంధనలు..

యూకే లో శాశ్వత నివాసం (ILR) కోరుకునే వలసదారులకు నిబంధనలు మరింత కఠినతరం కానున్నాయి. ఈ విషయాన్ని హోంశాఖ మంత్రి షబానా మహమూద్ ప్రతిపాదించారు. కొత్త మార్పుల ప్రకారం, కొన్ని వర్గాలకు ఇప్పటి వరకు ఉన్న 5 ఏళ్ల గడువును 10 ఏళ్లకు పెంచుతుండగా, మరికొన్ని కేటగిరీలకు ఈ గడువును 20 ఏళ్ల వరకు పెంచే అవకాశం ఉంది. ఇదే కాకుండా అర్హత నిబంధనలను కూడా కఠినతరం చేయనున్నారు.

దరఖాస్తుదారులకు ఎలాంటి నేర చరిత్ర ఉండకూడదు. అలాగే గత మూడు సంవత్సరాలుగా సంవత్సరానికి కనీసం £12,570 కంటే ఎక్కువ ఆదాయం ఉండాలి. ఈ మార్పులు వలస విధానాన్ని మరింత కట్టుదిట్టం చేయడమే కాకుండా, దేశ ఆర్థిక వ్యవస్థకు దీర్ఘకాలికంగా సహకరించే వారికి ప్రాధాన్యం ఇవ్వడానికే తీసుకొస్తున్నట్లు సమాచారం.