పొల్యూషన్ నివారణకు ఢిల్లీ ప్రభుత్వం కీలక నిర్ణయం

దిల్లీ ప్రభుత్వం కాలుష్యాన్ని తగ్గించడానికి కీలక నిర్ణయం తీసుకుంది. ఈ లక్ష్యంతో 2026–2030 వరకు అమలు చేసే ఎలక్ట్రిక్ వాహన విధానానికి సంబంధించిన ముసాయిదాను విడుదల చేసింది. ఈ విధానం ద్వారా పెట్రోల్ మరియు డీజిల్ వాహనాల వినియోగాన్ని తగ్గించి, ఎలక్ట్రిక్ వాహనాల వినియోగాన్ని పెంచాలని ప్రభుత్వం భావిస్తోంది.

ఈ ముసాయిదా ప్రకారం 2028 ఏప్రిల్ 1 నుంచి కొత్త పెట్రోల్ ద్విచక్ర వాహనాల రిజిస్ట్రేషన్‌ను పూర్తిగా నిలిపివేయనున్నారు. ఆ తరువాత కొత్తగా ఎలక్ట్రిక్ బైక్‌లకు మాత్రమే అనుమతి ఉంటుంది. అలాగే వచ్చే ఏడాది జనవరి నుంచి కేవలం కొత్త ఈవీ ఆటోలకే రిజిస్ట్రేషన్‌ చేయనున్నారు.

ఈ నిర్ణయాలతో దిల్లీ నగరంలో కాలుష్యం తగ్గుతుందని ప్రభుత్వం ఆశిస్తోంది. పర్యావరణానికి అనుకూలమైన వాహనాల వినియోగాన్ని పెంచుతూ, శుభ్రమైన భవిష్యత్తును నిర్మించడమే ఈ చర్యల ముఖ్య ఉద్దేశ్యం.