విష్ణుప్రియ పై ఫిర్యాదు.. చెల్లింపు వీడియోల పై వివాదం

ఇన్‌స్టాగ్రామ్‌లో చెల్లింపు ద్వారా అర్ధనగ్న వీడియోలు చూడొచ్చని ప్రచారం చేస్తున్న యాంకర్‌ విష్ణుప్రియ భీమినేని పై చర్యలు తీసుకోవాలని ఏఐఎస్‌ఎఫ్‌ నేతలు సైబర్‌ నేర విభాగానికి ఫిర్యాదు చేశారు. శనివారం రాష్ట్ర ఉపాధ్యక్షుడు ఎం. సాయికుమార్‌ నాయకత్వంలో సూర్యారావుపేటలో ఉన్న సైబర్‌ పోలీసులు వద్ద ఫిర్యాదు అందించారు. ప్రజలను అలరించే కార్యక్రమాల్లో కనిపించే ఆమె, డబ్బు కోసం ఇలాంటి వీడియోలు చేయడం సరికాదని వారు అభిప్రాయపడ్డారు.

సమాజానికి మంచి సందేశం ఇవ్వాల్సిన వ్యక్తులు ఇలాంటి ప్రకటనలు చేయడం తగదని వారు పేర్కొన్నారు. వెంటనే ఆమె ఇన్‌స్టాగ్రామ్‌ ఖాతాను నిలిపివేసి, చట్టపరమైన చర్యలు తీసుకోవాలని డిమాండ్‌ చేశారు. ఈ కార్యక్రమంలో దీపక్‌, సిద్దు, మనోజ్‌ తదితరులు పాల్గొన్నారు.