డైరెక్టర్ రతన్ రిషి ఫీమేల్ ఓరియెంటెడ్ మూవీ క్వీన్ నుంచి హీరోయిన్ యామిని ఈఆర్ బర్త్ డే పోస్టర్ రిలీజ్

ఫీమేల్ ఓరియెంటెడ్ కథతో రూపొందుతున్న క్వీన్ సినిమా నుంచి హీరోయిన్ యామినీ ఈఆర్ బర్త్‌డే సందర్భంగా ప్రత్యేక పోస్టర్ విడుదల చేశారు. ఈ చిత్రాన్ని యువ దర్శకుడు రతన్ రిషి తెరకెక్కిస్తున్నారు. సోషల్ మీడియా ఇన్ఫ్లుయెన్సర్‌గా గుర్తింపు పొందిన యామినీ ఈఆర్‌ను హీరోయిన్‌గా పరిచయం చేస్తూ ఈ సినిమా రూపొందుతోంది. వన్ సర్కిల్ ఫిలింస్ బ్యానర్‌ పై నిర్మిస్తున్న ఈ చిత్రంలో కాలకేయ ప్రభాకర్, అజయ్ ఘోష్ ప్రతినాయకులుగా కనిపించనున్నారు.

బర్త్‌డే పోస్టర్‌లో యామినీ క్లాసికల్ డాన్సర్ వేషధారణలో, భావోద్వేగాలతో కనిపిస్తూ ఆకట్టుకుంటోంది. ప్రస్తుత సమాజానికి అనుసంధానమైన ప్రేమకథను దర్శకుడు ఆసక్తికరంగా చూపించనున్నారు. తాను ప్రేమించిన వ్యక్తి కలను నిజం చేయడానికి, అతని లక్ష్యానికి చట్టబద్ధ గుర్తింపు తీసుకొచ్చేందుకు ఒక యువతి చేసే పోరాటమే ఈ కథలో ప్రధాన అంశంగా ఉండనుంది. ఈ చిత్రం ప్రస్తుతం రెగ్యులర్ షూటింగ్‌లో ఉంది.