న‌రేంద్ర మోదీ, విజ‌య‌న్ మ‌ధ్య ఉన్న అవ‌గాహ‌న‌తోనే కేసులు, అరెస్టులు లేవు - సీఎం రేవంత్

కేరళలో ఎన్నికల ప్రచారంలో భాగంగా తెలంగాణ ముఖ్యమంత్రి ఎ. రేవంత్ రెడ్డి ఏఎన్ఐకు ఇచ్చిన ఇంటర్వ్యూలో కీలక వ్యాఖ్యలు చేశారు. పినరాయి విజయన్ తనకు రాసిన లేఖలో 2014 నుంచి 2023 వరకు జరిగిన విషయాలను ప్రస్తావించారని చెప్పారు. ఆ సమయంలో విజయన్ సన్నిహితుడైన కల్వకుంట్ల చంద్రశేఖర రావు అధికారంలో ఉన్నారని, ఆ పరిస్థితుల వల్లే తెలంగాణ ప్రజలు ఆయనను మార్చారని తెలిపారు. ఇదే విధంగా కేరళ ప్రజలు కూడా నిర్ణయం తీసుకునే అవకాశం ఉందన్నారు.

విజయన్‌పై శబరిమల బంగారం దోపిడి, బంగారం అక్రమ రవాణా వంటి కేసులు ఉన్నాయని రేవంత్ ఆరోపించారు. ఈ కేసుల నుంచి ప్రధాన మంత్రి నరేంద్ర మోదీ విజయన్‌ను రక్షిస్తున్నారని అన్నారు. అరవింద్ కేజ్రీవాల్ వంటి నేతలపై కేసులు పెట్టి అరెస్టులు చేసినప్పుడు, విజయన్‌పై మాత్రం ఎందుకు చర్యలు తీసుకోవడం లేదని ప్రశ్నించారు.

మోదీ మరియు విజయన్ మధ్య ఉన్న అవగాహన వల్లే కేసులు, అరెస్టులు లేవని రేవంత్ అన్నారు. ఈ విషయాన్ని కేరళ ప్రజలు అర్థం చేసుకుని, సరైన నిర్ణయం తీసుకుంటారని, రాష్ట్రంలో మార్పు వస్తుందని ఆయన అభిప్రాయపడ్డారు.