ఆ బాధ నేనూ అనుభవించా: విజయ్‌

జననాయగన్ సినిమా లీక్ వివాదంపై హీరో విజయ్ దేవరకొండ స్పందిస్తూ ఆగ్రహం వ్యక్తం చేశాడు. ఈ తరహా లీక్‌లు సినీ పరిశ్రమకు తీవ్ర నష్టం కలిగిస్తాయని పేర్కొన్న ఆయన, తన కెరీర్ ప్రారంభంలో కూడా ఇలాంటి పరిస్థితిని ఎదుర్కొన్నానని చెప్పారు. ఒక ప్రాజెక్ట్‌ను టార్గెట్ చేస్తే అందులో పనిచేసిన ప్రతి ఒక్కరిపై ప్రభావం పడుతుందని ఆయన ఆవేదన వ్యక్తం చేశారు.

ఇది కేవలం ఒక వ్యక్తికి సంబంధించిన విషయం కాదని, నటులు, దర్శకులు, నిర్మాతలు అందరికీ సంబంధించిన సమస్య అని విజయ్ పేర్కొన్నారు. ఈ లీక్ వెనుక ఉన్న వారిని గుర్తించి కఠిన చర్యలు తీసుకోవాలని ఆయన డిమాండ్ చేశారు. లేకపోతే వ్యవస్థపై నమ్మకం కోల్పోయే పరిస్థితి వస్తుందని హెచ్చరించారు.