వరుసగా రెండు ప్రకంపనలు.. డోడాలో ప్రజల్లో ఆందోళన

జమ్మూ కాశ్మీర్‌లోని డోడా ప్రాంతంలో ఈరోజు తెల్లవారుజామున భూకంపం సంభవించింది. రిక్టర్ స్కేల్‌ పై 4.6 తీవ్రతతో ఉదయం 4:32 గంటలకు ప్రకంపనలు నమోదైనట్లు జాతీయ భూకంప కేంద్రం తెలిపింది. అనంతరం అదే ప్రాంతంలో 3.0 తీవ్రతతో మరో స్వల్ప ప్రకంపన కూడా నమోదైంది.

ప్రస్తుతం ఎటువంటి ప్రాణనష్టం లేదా ఆస్తినష్టం జరిగినట్లు సమాచారం లేదు. అధికారులు పరిస్థితిని సమీపంగా పరిశీలిస్తూ అప్రమత్తంగా ఉన్నారు.