సమంత ఎనర్జీతో ఆకట్టుకుంటున్న కొత్త పాట

సమంత ప్రధాన పాత్రలో నటిస్తున్న “మా ఇంటి బంగారం” సినిమా నుంచి ‘తస్సాదియ్యా’ అనే ఫస్ట్ సాంగ్ విడుదలై మంచి స్పందనను తెచ్చుకుంది. ట్రాలాలా మూవింగ్ పిక్చర్స్ బ్యానర్‌పై సమంత, రాజ్ నిడిమోరు, హిమాంక్ దువ్వూరు నిర్మిస్తున్న ఈ చిత్రాన్ని నందినీ రెడ్డి తెరకెక్కిస్తున్నారు. ఇప్పటికే విడుదలైన టీజర్‌తో అంచనాలు పెరగగా, తాజా పాట పెళ్లి వేడుకల్లో మార్మోగేలా ఆకట్టుకుంటోంది.

సంతోష్ నారాయణన్ స్వరపరిచిన ఈ పాటకు రెహమాన్ సాహిత్యం అందించగా, చిన్మయి శ్రీపాద, పుణ్య సెల్వ ఆలపించారు. సమంత ఎనర్జిటిక్ స్టెప్పులు, ఆకట్టుకునే ప్రదర్శన పాటను మరింత ప్రత్యేకంగా నిలబెట్టాయి. ఫ్యామిలీ ఎంటర్‌టైనర్‌గా రూపొందుతున్న ఈ సినిమా మే 15న గ్రాండ్‌గా విడుదలకు సిద్ధమైంది.