కేసీఆర్ తో జీవన్ రెడ్డి భేటీ

మాజీ మంత్రి టి జీవన్ రెడ్డి బీఆర్ఎస్ అధినేత కె చంద్రశేఖర్ రావును ఎర్రవెల్లి నివాసంలో ఈ రోజు మర్యాదపూర్వకంగా కలిశారు. ఈ సందర్భంగా బీఆర్ఎస్ వర్కింగ్ ప్రెసిడెంట్ కె టి రామారావుతో పాటు పలువురు ముఖ్య నాయకులు ఆయనకు ఘన స్వాగతం పలికారు. ఈ భేటీ సౌహార్దపూర్వక వాతావరణంలో జరిగింది.

ఈ సందర్భంగా జీవన్ రెడ్డి భావోద్వేగానికి లోనై, తెలంగాణ అభివృద్ధి కోసం కేసీఆర్‌తో కలిసి పనిచేయాలని ఆకాంక్ష వ్యక్తం చేశారు. “మీతో కలిసి పనిచేయమని దేవుడే నన్ను పంపించాడు” అంటూ తన మనసు మాటను వెల్లడించారు. దీనికి స్పందించిన కేసీఆర్ ఆయనను ఆప్యాయంగా ఆలింగనం చేసుకుని, దుశ్శాలువాతో సత్కరించారు. అనంతరం భోజనానికి ఆహ్వానించడం ఈ భేటీకి ప్రత్యేకతను తీసుకొచ్చింది.