నిర్మల్‌లో ఘోర రోడ్డు ప్రమాదం.. నలుగురు అక్కడికక్కడే మృతి

రాష్ట్రంలో సోమవారం అర్థరాత్రి దాటిన తర్వాత ఘోర రోడ్డు ప్రమాదం జరిగింది. నిర్మల్ జిల్లా భైంసా బస్ డిపో సమీపంలో కారు, కంటైనర్ ఢీకొనడంతో ఈ ప్రమాదం చోటు చేసుకుంది. ఈ ఘటనలో కారులో ప్రయాణిస్తున్న నలుగురు అక్కడికక్కడే మృతి చెందారు. మరో ఇద్దరి పరిస్థితి విషమంగా ఉన్నట్లు సమాచారం.

హైదరాబాద్ నుంచి తిరిగి వస్తుండగా ఈ ప్రమాదం జరిగినట్లు పోలీసులు తెలిపారు. మృతులు కుబీర్ మండలానికి చెందిన బాబన్న, భోజరామ్ పటేల్, రాజన్న, వికాస్‌లుగా గుర్తించారు. మృతదేహాలను భైంసా ప్రభుత్వ ఆసుపత్రికి తరలించి, కేసు నమోదు చేసి దర్యాప్తు ప్రారంభించారు. ప్రమాదానికి గల కారణాలు ఇంకా తెలియరాలేదు.