ప్రతిపక్ష పార్టీ నేతలపై ప్రధాని మోదీ ఫైర్

ప్రధాని నరేంద్ర మోదీ తన ప్రసంగంలో విపక్ష పార్టీలపై తీవ్ర విమర్శలు చేశారు. దేశ ప్రయోజనాల కంటే రాజకీయాలకే ప్రాధాన్యం ఇస్తున్నారని ఆరోపించారు. కాంగ్రెస్, డీఎంకే, టీఎంసీ, సమాజ్‌వాదీ వంటి పార్టీలు మహిళా రిజర్వేషన్ బిల్లును అడ్డుకొని, దాని విఫలంపై సంబరాలు చేసుకున్నాయని అన్నారు. ఈ చర్య మహిళల గౌరవానికి, వారి కలలకు నష్టం కలిగించిందని పేర్కొన్నారు. ఈ బిల్లును అడ్డుకున్న వారికి మహిళలు తప్పకుండా సమాధానం చెబుతారని చెప్పారు.

డీలిమిటేషన్ విషయంపై విపక్షాలు అవాస్తవాలు ప్రచారం చేస్తున్నాయని మోదీ అన్నారు. అన్ని రాష్ట్రాలకు సమాన ప్రాతినిధ్యం కల్పించడమే లక్ష్యంగా ప్రభుత్వం పని చేస్తుందని చెప్పారు. ఈ బిల్లు ఆమోదం పొందితే తమిళనాడు, పశ్చిమ బెంగాల్, కేరళ వంటి రాష్ట్రాలకు మరిన్ని సీట్లు లభించేవని వివరించారు. కానీ కొన్ని ప్రాంతీయ పార్టీలు తప్పుదారి పట్టించి అభివృద్ధిని అడ్డుకున్నాయని విమర్శించారు.

ఇక కాంగ్రెస్ పార్టీ తన ఉనికిని కోల్పోతూ ప్రాంతీయ పార్టీలపై ఆధారపడుతోందని మోదీ ఆరోపించారు. విపక్షాలు ఎప్పటికప్పుడు సంస్కరణలను అడ్డుకోవడమే కాకుండా ప్రజలను విభజించి లాభం పొందాలని చూస్తున్నాయని అన్నారు. మహిళల సాధికారత కోసం తమ ప్రభుత్వం కట్టుబడి ఉందని, నిజాన్ని ప్రజలు గుర్తించాలని కోరారు.