అబ్బాయి ఎంట్రీ మూవీ టీజర్‌ను లాంచ్ చేసిన బాబాయ్ మహేశ్ బాబు

కృష్ణ లెగసీని కొనసాగిస్తూ ఘట్టమనేని కుటుంబం నుంచి మరో యువ హీరో టాలీవుడ్ ఎంట్రీకి సిద్ధమవుతున్నాడు. జయకృష్ణ ఘట్టమనేని, రమేశ్ బాబు తనయుడు, ‘శ్రీనివాస మంగాపురం’ సినిమాతో ప్రేక్షకుల ముందుకు వస్తున్నారు. ఈ చిత్ర టీజర్‌ను మహేశ్ బాబు విడుదల చేయడంతో సోషల్ మీడియాలో భారీ హైప్ ఏర్పడింది. బాబాయ్ ఆశీర్వాదాలతో జయకృష్ణ గ్రాండ్‌గా పరిచయం అవుతున్నారు. తిరుపతి నేపథ్యంలో తెరకెక్కుతున్న ఈ సినిమా రొమాంటిక్ యాక్షన్ ఎంటర్‌టైనర్‌గా కనిపిస్తోంది. టీజర్‌లో ఆయన స్టైలిష్ లుక్, ఫిజిక్ ప్రత్యేకంగా ఆకట్టుకుంటున్నాయి.

ఈ చిత్రంతో బాలీవుడ్ నటి రవీనా టాండన్ కుమార్తె రషా థడానీ తెలుగు ప్రేక్షకులకు పరిచయం అవుతోంది. ‘ఆర్‌ఎక్స్ 100’ దర్శకుడు అజయ్ భూపతి ఈ చిత్రానికి దర్శకత్వం వహిస్తున్నారు. కలెక్షన్ కింగ్ మోహన్ బాబు కీలక పాత్రలో నటించడంతో సినిమాపై అంచనాలు మరింత పెరిగాయి. టీజర్ చివర్లో ఆయన ఎంట్రీ సీన్ గూస్‌బంప్స్ తెప్పిస్తోంది. కొత్త హీరో, హీరోయిన్‌తో వస్తున్న ఈ సినిమా ఫ్రెష్ ఫీల్ ఇవ్వనుండగా, ఘట్టమనేని వారసుడి డెబ్యూ కోసం అభిమానులు ఆసక్తిగా ఎదురుచూస్తున్నారు.