గూగుల్ ప్రాజెక్ట్‌తో ఆలయానికి భారీ లాభం

విశాఖపట్నంలో ఏర్పాటవుతున్న గూగుల్ డేటా సెంటర్ ద్వారా సింహాచలం వరాహ లక్ష్మీనరసింహస్వామి ఆలయంకు భారీగా ఆదాయం రానుంది. ఆలయానికి చెందిన సుమారు 160 ఎకరాల భూమిని 11 ఏళ్లపాటు లీజుకు ఇవ్వడంతో, ప్రతి సంవత్సరం రూ.26.45 కోట్ల చొప్పున, మొత్తం దాదాపు రూ.300 కోట్ల ఆదాయం లభించనుంది. మొదట మధురవాడ, అడవివరం ప్రాంతాల్లోని భూములను పరిశీలించినప్పటికీ, చివరకు లీజు విధానాన్ని అమలు చేసి ఆలయానికి స్థిర ఆదాయం వచ్చేలా నిర్ణయం తీసుకున్నారు.

పలుమార్లు చర్చల అనంతరం అడవివరం, ముడసర్లోవ ప్రాంతాల్లోని భూములను ఏపీఐఐసీకి లీజుకు ఇవ్వాలని ప్రభుత్వం అనుమతి ఇచ్చింది. రామచంద్ర మోహన్ ప్రకారం, ప్రతి ఐదేళ్లకు లీజు మొత్తాన్ని 5% పెంచనున్నారు. ప్రస్తుతం ఈ భూముల ద్వారా తక్కువ ఆదాయం మాత్రమే వస్తుండగా, ఇకపై భారీగా ఆదాయం లభించనుంది. ఈ నిర్ణయం ఆలయ ఆర్థిక స్థితిని బలోపేతం చేయడంతో పాటు, ప్రాంతీయ అభివృద్ధికి కూడా దోహదం చేయనుంది.