తమిళనాడు అసెంబ్లీ ఎన్నికలు.. రెండు చోట్ల విజయ్‌ పోటీ

తమిళనాడులో జరగనున్న అసెంబ్లీ ఎన్నికల నేపథ్యంలో నటుడు, టీవీకే అధ్యక్షుడు విజయ్ కీలక నిర్ణయం తీసుకున్నారు. చెన్నైలో జరిగిన సభలో పార్టీ అభ్యర్థుల జాబితాను ప్రకటిస్తూ, తాను పెరంబూర్ మరియు తిరుచ్చి ఈస్ట్ నియోజకవర్గాల నుంచి పోటీ చేయనున్నట్లు వెల్లడించారు.

ఈ సందర్భంగా పార్టీ తరఫున పోటీ చేసే అభ్యర్థులను కూడా ఆయన పరిచయం చేశారు. రాజకీయాల్లో తన ప్రభావాన్ని పెంచుకోవడమే లక్ష్యంగా విజయ్ ఈ నిర్ణయం తీసుకున్నట్లు రాజకీయ వర్గాలు విశ్లేషిస్తున్నాయి. ఈ ప్రకటనతో తమిళనాడు రాజకీయాల్లో ఆసక్తి మరింత పెరిగింది.