అస్సాం – తెలుగు రాష్ట్రాలను అనుసంధానించే అమృత్ భారత్ ఎక్స్‌ప్రెస్ ప్రారంభం!

ప్రధాని నరేంద్ర మోదీ అస్సాంలో అమృత్ భారత్ ఎక్స్‌ప్రెస్ రైలును ప్రారంభించారు. ఈ రైలు అస్సాంలోని ప్రముఖ పుణ్యక్షేత్రమైన కామాఖ్య నుంచి తెలంగాణలోని చర్లపల్లి వరకు నడుస్తూ అస్సాం మరియు రెండు తెలుగు రాష్ట్రాలను అనుసంధానించనుంది. స్లీపర్ మరియు జనరల్ సెకండ్ క్లాస్ కోచ్‌లతో ఈ రైలు సేవలు అందించనుండటంతో తక్కువ ఛార్జీలతో ప్రయాణికులకు సౌకర్యవంతమైన ప్రయాణం అందుబాటులోకి రానుంది.

ఈ రైలు మార్గమధ్యంలో ఆంధ్రప్రదేశ్ మరియు తెలంగాణలోని పలు ముఖ్య రైల్వే స్టేషన్లలో ఆగనుంది. వాటిలో శ్రీకాకుళం రోడ్, విజయనగరం జంక్షన్, పెందుర్తి, దువ్వాడ, సామర్లకోట జంక్షన్, రాజమహేంద్రవరం, తణుకు, భీమవరం టౌన్, గుడివాడ, విజయవాడ, గుంటూరు, నల్గొండ స్టేషన్లు ఉన్నాయి. ఈ రైలు ప్రారంభంతో ఈశాన్య ప్రాంతాలకు వెళ్లే ప్రయాణికులకు మరింత సౌకర్యవంతమైన రైల్వే కనెక్టివిటీ లభించనుంది.