ఏడాదిలో సరికొత్త టోల్‌ వ్యవస్థ: కేంద్ర మంత్రి నితిన్‌ గడ్కరీ

ప్రస్తుత టోల్‌ వసూలు వ్యవస్థ త్వరలో దేశం నుంచి పూర్తిగా తొలగించబడుతుందని కేంద్ర రహదారుల శాఖ మంత్రి నితిన్‌ గడ్కరీ ప్రకటించారు. ఇప్పటికే ప్రయోగాత్మకంగా 10 ప్రాంతాల్లో అమలు చేస్తున్న ఈ సరికొత్త టెక్నాలజీ అద్భుత ఫలితాలు ఇస్తోందని ఆయన తెలిపారు. వచ్చే ఏడాదిలోపే సంప్రదాయ టోల్‌ గేట్లను పూర్తిగా రీప్లేస్ చేస్తూ, దేశవ్యాప్తంగా ఈ కొత్త వ్యవస్థను ప్రవేశపెట్టే పనులు వేగంగా జరుగుతున్నాయని లోక్‌సభలో వివరించారు. ప్రస్తుతం టోల్‌ గేట్ల వద్ద ఏర్పడే భారీ ట్రాఫిక్‌, ప్రయాణ సమయ నష్టం మరియు ఇంధన వ్యర్థంపై ప్రభుత్వం ప్రత్యేక దృష్టి పెట్టిందని చెప్పుకొచ్చారు.

ఈ ఆధునిక వ్యవస్థలో ఉపగ్రహాల సాయంతో టోల్‌ ఎంపిక (Satellite-based Tolling) చేయనున్నారు. అంటే వాహనం టోల్‌ గేట్‌ వద్ద ఆగాల్సిన అవసరం లేకుండా, GPS ఆధారంగా ప్రయాణించిన దూరాన్ని లెక్కించి ఆటోమేటిగ్గా టోల్‌ అమౌంట్‌ కట్ అవుతుంది. ఇలా రోడ్డు ప్రయాణం మరింత వేగంగా, ఇబ్బందిలేకుండా సాగుతుందని మంత్రి తెలిపారు. ఈ మార్పు అమల్లోకి వస్తే, టోల్‌ ప్లాజాల వద్ద కనిపించే భారీ క్యూలు, హారన్‌ సౌండ్‌, టైమ్‌ వేస్ట్ అన్నీ గతం కానున్నాయి. దేశవ్యాప్తంగా రోడ్డు రాకపోకల వ్యవస్థను పూర్తిగా మార్చేస్తున్న విప్లవాత్మక నిర్ణయంగా అధికారులు వెల్లడిస్తున్నారు.