దక్షిణ కొరియా టూరిజం గౌరవ అంబాసిడర్‌గా ప్రియాంకా మోహన్

దక్షిణాది సినీ పరిశ్రమలో తనకంటూ ప్రత్యేక గుర్తింపు సంపాదించుకున్న నటి ప్రియాంకా మోహన్‌కు అరుదైన గౌరవం దక్కింది. తెలుగు, తమిళ భాషల్లో వరుస సినిమాలతో ప్రేక్షకులను ఆకట్టుకుంటున్న ఆమెను దక్షిణ కొరియా టూరిజం గౌరవ అంబాసిడర్‌గా నియమించారు. ఈ సందర్భంగా ప్రియాంకా మోహన్ స్పందిస్తూ, కొరియా సంస్కృతి మరియు సంప్రదాయాలు తనకు ఎప్పటి నుంచో స్ఫూర్తినిస్తున్నాయని, ఇప్పుడు ఆ దేశ టూరిజం ప్రచారంలో భాగస్వామ్యం కావడం ఆనందంగా ఉందని తెలిపారు.

ఇటీవల పవన్ కళ్యాణ్ నటిస్తున్న ‘OG’ చిత్రంతో పాటు పలు ప్రాజెక్టులతో బిజీగా ఉన్న ప్రియాంకా మోహన్, అంతర్జాతీయ స్థాయిలో ఈ గుర్తింపు పొందడం విశేషంగా మారింది. అలాగే ఆమె నటించిన ‘మేడిన్ కొరియా’ చిత్రం కూడా దక్షిణ కొరియా నేపథ్యంలో తెరకెక్కడం ఈ నియామకానికి మరింత ప్రాధాన్యతను తీసుకొచ్చింది. ప్రస్తుతం ఈ వార్త సోషల్ మీడియాలో వైరల్ అవుతోంది.