చంద్రబాబుకు ప్రతిష్ఠాత్మక బిజినెస్ రిఫార్మర్ అవార్డు

ముఖ్యమంత్రి చంద్రబాబుకు ఎకనమిక్‌ టైమ్స్‌ ‘బిజినెస్‌ రిఫార్మర్‌ ఆఫ్‌ ద ఇయర్‌’ అవార్డు ఈ నెల 25న ప్రదానం చేయనుంది. ఎకనమిక్‌ టైమ్స్‌ 26వ కార్పొరేట్‌ ఎక్స్‌లెన్స్‌ అవార్డుల ప్రదానోత్సవాన్ని ఈ నెల 25న ముంబయిలో నిర్వహించనుంది.

ఈ కార్యక్రమానికి కేంద్ర ఆర్థిక మంత్రి నిర్మలా సీతారామన్‌ ముఖ్య అతిథిగా హాజరవుతున్నారు. చంద్రబాబును అవార్డు గ్రహీతగానే కాకుండా, ఈ కార్యక్రమానికి గౌరవ అతిథిగా కూడా ఎకనమిక్‌ టైమ్స్‌ ఆహ్వానించింది. ఈ కార్యక్రమంలో పలువురు కార్పొరేట్‌ రంగ ప్రముఖులు పాల్గొననున్నారు.