కామెడీ, ఫ్యామిలీతో తిరువీర్ పాపం ప్రతాప్ మూవీట్రైలర్

పాపం ప్రతాప్లో తిరువీర్, పాయల్ రాధాకృష్ణ జంటగా నటించారు. ఎస్‌పి దుర్గా నరేశ్ దర్శకత్వం వహించిన ఈ సినిమాను ఈటీవీ విన్, కృషి ఎంటర్‌టైన్‌మెంట్స్ నిర్మించాయి. ఈ నెల 17న విడుదలకు సిద్ధమైన ఈ చిత్రం ట్రైలర్ ఆదివారం విడుదలై ప్రేక్షకులను ఆకట్టుకుంటోంది. కామెడీ, ఫ్యామిలీ ఎమోషన్స్‌తో ఈ సినిమా రూపొందినట్లు ట్రైలర్ ద్వారా తెలుస్తోంది.

పెళ్లైన తర్వాత ప్రతాప్ అనే వ్యక్తి ఎదుర్కొనే సమస్యలు, వాటి నుంచి వచ్చే వినోదభరిత, భావోద్వేగ పరిస్థితులే ఈ సినిమా కథ. కుటుంబ ప్రేక్షకులను దృష్టిలో పెట్టుకుని రూపొందించిన ఈ చిత్రం సరదా, భావోద్వేగాల మేళవింపుతో ఆకట్టుకునేలా ఉంది. ట్రైలర్‌కు మంచి స్పందన లభిస్తుండగా, సినిమా విడుదలపై ఆసక్తి పెరుగుతోంది.