‘డెకాయిట్‌’పై రామ్‌చరణ్ ప్రశంసలు..

అడివి శేష్, మృణాల్ ఠాకూర్ ప్రధాన పాత్రల్లో నటించిన రొమాంటిక్ యాక్షన్ చిత్రం డెకాయిట్ ఇటీవల థియేటర్లలో విడుదలై మంచి స్పందనను పొందుతోంది. ఈ సినిమాపై అగ్ర హీరో రామ్ చరణ్ తన అభిప్రాయాన్ని పంచుకుంటూ, సినిమా చూసి చాలా ఎంజాయ్ చేశానని తెలిపారు.

ఈ చిత్రంలో హరి పాత్రలో అడివి శేష్ నటన గుర్తుండిపోయేలా ఉందని ఆయన అన్నారు. మృణాల్ ఠాకూర్ తన పాత్రకు పూర్తి న్యాయం చేస్తూ భావోద్వేగాలను బాగా వ్యక్తపరిచిందని ప్రశంసించారు. అనురాగ్ కశ్యప్ తో పాటు ఇతర నటీనటులందరూ తమ పాత్రలకు తగ్గట్టు అద్భుతంగా నటించారని చెప్పారు. అలాగే ఈ సినిమాను ఉన్నతమైన సాంకేతిక ప్రమాణాలతో నిర్మించిన నిర్మాతను కూడా అభినందించారు.

ఇక ప్రస్తుతం రామ్ చరణ్ పెద్ది అనే చిత్రంలో నటిస్తున్నారు. ఈ సినిమాకు బుచ్చి బాబు దర్శకత్వం వహిస్తుండగా, జాన్వీ కపూర్ కథానాయికగా నటిస్తున్నారు. ఈ చిత్రం ఈ నెల 30న విడుదల కానుందని సమాచారం.