కొత్త భద్రతా ఫీచర్లతో క్రోమ్ 147 విడుదల

గూగుల్ క్రోమ్ 147 స్టేబుల్ వెర్షన్‌ను విండోస్, మాక్‌ఓఎస్, లినక్స్ వినియోగదారుల కోసం విడుదల చేశారు. ఈ తాజా అప్‌డేట్‌లో పలు మెరుగుదలలు, బగ్ ఫిక్స్‌లు మరియు డెవలపర్‌ల కోసం కొత్త సామర్థ్యాలు ఉన్నాయి. బ్రౌజర్ పనితీరు మరియు భద్రతను మెరుగుపరచడం ఈ వెర్షన్ ముఖ్య లక్ష్యం.

క్రోమ్ 147లో ముఖ్యంగా లోకల్ నెట్‌వర్క్ యాక్సెస్ (LNA) పరిమితులను కఠినతరం చేశారు. లోకల్ అడ్రస్‌లకు వెబ్‌సాకెట్ కనెక్షన్‌ల కోసం ఇప్పుడు యూజర్ అనుమతి అవసరం అవుతుంది, తద్వారా భద్రతా ముప్పులను తగ్గించవచ్చు. అలాగే వెబ్‌ట్రాన్స్‌పోర్ట్ వినియోగం మరియు సర్వీస్ వర్కర్స్ ద్వారా జరిగే నావిగేషన్‌పై కూడా ఎల్‌ఎన్‌ఏ నియంత్రణలు అమలు చేసి, లోకల్ నెట్‌వర్క్ ఫింగర్‌ ప్రింటింగ్‌ను తగ్గించే ప్రయత్నం చేశారు.

ఫీచర్ల పరంగా క్రోమ్ 147లో వెబ్ ప్రింటింగ్ API ను ప్రవేశపెట్టారు, దీని ద్వారా వెబ్ యాప్స్‌లో ప్రింటింగ్ సామర్థ్యం మెరుగుపడుతుంది. అదనంగా సీఎస్ఎస్ బోర్డర్ షేప్, కాంట్రాస్ట్-కలర్(), కొత్త జావాస్క్రిప్ట్ ఫీచర్లు, వెబ్‌ఎక్స్‌ఆర్ లేయర్స్ మరియు ప్లేన్ డిటెక్షన్ అందుబాటులోకి వచ్చాయి. ఆడియో, వీడియోలకు లేజీ లోడింగ్ ట్రయల్ ఫీచర్‌ను కూడా అందించారు, ఇది పేజీ లోడింగ్ వేగాన్ని పెంచుతుంది. అలాగే వెబ్ఎన్‌ఎన్ ను ఒరిజిన్ ట్రయల్‌గా అప్‌గ్రేడ్ చేసి, మెషిన్ లెర్నింగ్ పనితీరును మెరుగుపరిచారు.