పెళ్ళి మేకప్ కు రష్మిక 40 నిముషాలు టైం ఇచ్చారన్న మేకప్ ఆర్టిస్ట్

ప్రముఖ నటి రష్మిక పెళ్లి రోజున మేకప్ విషయంలో సింపుల్‌గా ఉండాలని నిర్ణయించి అందరిని ఆశ్చర్యపరిచారు. ఆమె మేకప్ కళాకారిణి తన్వీ చెంబుర్కర్ ఒక ఇంటర్వ్యూలో ఆసక్తికర విషయాలు వెల్లడించారు. రష్మిక మేకప్ కోసం కేవలం 40 నిమిషాల సమయం మాత్రమే ఇచ్చారని, ఎక్కువ మేకప్ వద్దని స్పష్టంగా చెప్పారని తెలిపారు. అయితే పూర్తి చేయడానికి సుమారు 90 నిమిషాలు పట్టిందని చెప్పారు.

పెళ్లికి ముందు రోజు మరో కార్యక్రమంలో పాల్గొనడంతో రష్మికకు సరైన విశ్రాంతి లభించలేదని తన్వీ చెప్పారు. అలాగే ఆలస్యంగా రావడంతో పనికి సమయం తక్కువగా మారింది. ముందుగా కొన్ని మేకప్ విధానాలు సిద్ధం చేసినా, రష్మిక మాత్రం సహజంగా కనిపించాలని కోరుకున్నారు. కాజల్ కూడా పెట్టుకోవడానికి ఇష్టపడలేదు. తాను ఎలా ఉంటానో అలా కనిపించాలనేదే ఆమె అభిప్రాయం అని తెలిపారు.

ఫిబ్రవరిలో రష్మిక మరియు విజయ్ దేవరకొండ వివాహం ఘనంగా జరిగింది. పెళ్లి తర్వాత ఈ జంట తిరిగి తమ కొత్త సినిమా రణబలి షూటింగ్‌లో చేరారు. ఈ సినిమా బ్రిటిష్ కాలంలో జరిగిన నిజ సంఘటనల ఆధారంగా రూపొందుతోంది. ఈ చిత్రం సెప్టెంబర్ 11న విడుదల కానుంది.