అమరావతిలో భారీ గా వాయు కాలుష్యం

అమరావతిలో వాయు కాలుష్యం తీవ్ర స్థాయికి చేరింది. నగరంలో ఎయిర్ క్వాలిటీ ఇండెక్స్ (AQI) 221 కు చేరుకోవడం ఆందోళన కలిగిస్తోంది. రాజమండ్రిలో 115, విశాఖపట్నంలో 117 AQI నమోదు కావడంతో ఈ నగరాల్లో మధ్యస్థ కాలుష్య స్థాయులు ఉన్నట్లు అధికారులు వెల్లడించారు.

ఈ నేపథ్యంలో సీఆర్‌డీఏ పరిధిలో పీసీబీ చైర్మన్ కృష్ణయ్య తనిఖీలు నిర్వహించారు. వాయు కాలుష్యాన్ని నియంత్రించేందుకు వాటర్ స్ప్రింక్లర్లు, గ్రీన్ బెల్ట్స్ అభివృద్ధి, కవర్డ్ కన్వేయర్ బెల్ట్స్ అమలు వంటి చర్యలపై పీసీబీ ప్రత్యేక దృష్టి సారించింది.