విజయ్ దేవరకొండ - హాయ్ నాన్న డైరెక్టర్ కాంబినేషన్.. స్ట్రైకింగ్ పోస్టర్‌తో అధికారిక ప్రకటన!

విజయ్ దేవరకొండ తన కెరీర్‌లో కొత్త మార్పు కోసం యువ దర్శకుడు శౌర్యువ్‌తో కలిసి పని చేయబోతున్నాడు. ‘హాయ్ నాన్న’ సినిమాతో గుర్తింపు పొందిన శౌర్యువ్‌తో ఈ కొత్త సినిమాను పోస్టర్‌తో అధికారికంగా ప్రకటించారు. ఇప్పటికే “రణబాలి”, “రౌడీ జనార్ధన” వంటి సినిమాలతో బిజీగా ఉన్న విజయ్, ఈ ప్రాజెక్ట్‌తో మరో కొత్త ప్రయోగానికి సిద్ధమవుతున్నాడు.

పోస్టర్‌లో విజయ్‌తో పాటు టీమ్ అంతా ఆయుధాలతో కలిసి నడుస్తూ కనిపించడం ఆకర్షణగా మారింది. ‘ఇప్పటి కోపం అంతా ఒకప్పటి ప్రేమ’ అనే ట్యాగ్‌లైన్ సినిమా ఎమోషనల్ డ్రామా ఉండబోతుందని సూచిస్తోంది. ఈ సినిమాకు సంగీతం హేషం అబ్దుల్ వాహాబ్ అందిస్తుండగా, నిర్మాణాన్ని వైరా ఎంటర్‌టైన్‌మెంట్స్ చేపట్టింది. ప్రస్తుతం ఉన్న సినిమాలు పూర్తయ్యాక ఈ సినిమా షూటింగ్ ప్రారంభం కానుంది. అభిమానులు ఈ కాంబినేషన్‌పై చాలా ఆసక్తిగా ఎదురుచూస్తున్నారు.