చంద్రుడిపై ప్లాట్లు.. ₹100 కోట్ల సంపాదించిన వ్యక్తి

చంద్రుడిపై భూములు అమ్ముతూ ఒక వ్యక్తి భారీగా సంపాదించిన ఘటన ఆసక్తికరంగా మారింది. అంతరిక్ష మిషన్లు మళ్లీ చంద్రుడిపై దృష్టి సారిస్తున్న ఈ సమయంలో, 1980లలోనే అంతర్జాతీయ చట్టాల్లోని లోపాలను వినియోగించుకుని చంద్రుడిపై తన హక్కులను ప్రకటించుకున్నాడు. అనంతరం అక్కడ ప్లాట్లు ఉన్నట్లు పేర్కొంటూ వాటిని విక్రయించడం ప్రారంభించాడు.

ఇప్పటి వరకు సుమారు 70 లక్షల మందికి పైగా ఈ “చంద్రుడి భూములు” కొనుగోలు చేసినట్లు సమాచారం. ఈ వ్యవహారంలో దాదాపు ₹100 కోట్ల వరకు సంపాదించినట్లు తెలుస్తోంది. సెలబ్రిటీలు సైతం ఆసక్తితో ఈ ప్లాట్లను కొనుగోలు చేసినట్లు ప్రచారం జరుగుతోంది. అయితే చట్టపరంగా ఈ భూములకు ఎలాంటి అధికారిక గుర్తింపు లేకపోవడం గమనార్హం. అయినప్పటికీ ఈ విషయం ప్రస్తుతం మళ్లీ చర్చనీయాంశంగా మారింది.