వైకుంఠ ద్వారా దర్శనం టోకెన్ లను కేటాయించిన టీటీడీ...

వైకుంఠ ద్వార దర్శనం కోసం భక్తులు ఆశగా ఎదురు చూసే సమయంలో, వచ్చే మూడు రోజుల ప్రత్యేక దర్శనానికి సంబంధించి మొత్తం 1,76,000 టోకెన్లను డిప్ పద్ధతిలో కేటాయించినట్లు తిరుమల తిరుపతి దేవస్థానం ప్రకటించింది. ఈ ప్రక్రియలో దేశవ్యాప్తంగా నుండి వచ్చిన భక్తుల వివరాలను పరిశీలించి, పారదర్శకంగా టోకెన్లు కేటాయించినట్టు తెలిపింది. ఈ డిప్ విధానం ద్వారా భక్తులకు సమాన అవకాశాలు కల్పించడమే లక్ష్యమని టీటీడీ స్పష్టం చేసింది.

ఈ ఎంపికలో మొత్తం 9 రాష్ట్రాల భక్తులకు వైకుంఠ ద్వార దర్శనం టోకెన్లు జారీ అయ్యాయి. ముఖ్యంగా తెలుగు రాష్ట్రాల భక్తులకు అత్యధికంగా, దాదాపు లక్ష టోకెన్ల వరకు కేటాయించారు. ఆంధ్రప్రదేశ్ నుండి 58,922 మంది భక్తులకు, తెలంగాణ నుండి 41,965 మంది భక్తులకు టోకెన్లు కేటాయించటం జరిగింది. భారీగా వచ్చిన అప్లికేషన్లను దృష్టిలో ఉంచుకొని, భక్తుల భక్తి, ఉత్సాహానికి అనుగుణంగా టీటీడీ ఈసారి మరింత వ్యవస్థీకృతంగా టోకెన్లను పంపిణీ చేసింది.