ఢిల్లీలో ఆత్మాహుతి దాడి అనుమానం ... కారు నడిపింది ఉమర్ మహ్మదేనా?

ఢిల్లీలో జరిగిన పేలుడు ఘటన దేశవ్యాప్తంగా కలకలం రేపుతోంది. ఈ బ్లాస్ట్‌ వెనుక ఆత్మాహుతి దాడి కోణం ఉండొచ్చని విచారణ సంస్థలు అనుమానం వ్యక్తం చేస్తున్నాయి. ప్రమాదానికి గురైన కారు పుల్వామా ప్రాంతానికి చెందిన సల్మాన్ అనే వ్యక్తి నుంచి డాక్టర్ ఉమర్ మహ్మద్ తీసుకున్నాడని అనుమానిస్తున్నారు. పేలుడు సంభవించే ముందు కారులో బ్లాక్ మాస్క్‌ ధరించిన వ్యక్తి కనిపించినట్లు సీసీటీవీ ఫుటేజ్‌లో రికార్డైంది. ఆ వ్యక్తి ఉమర్ మహ్మద్‌ అయ్యే అవకాశం ఉందా? అనే దిశగా అధికారులు విచారణ కొనసాగిస్తున్నారు. ప్లాన్ ప్రకారం అతడు పేలుడు పదార్థాలతో కారులోకి ఎక్కి, ఎర్రకోట సమీపంలో ఆత్మాహుతి దాడి చేసినట్టుగా అనుమానాలు వ్యక్తమవుతున్నాయి.

భద్రతా సంస్థలు అన్ని కోణాల్లో విచారణ చేపట్టి, దాడి వెనుక ఉన్న కుట్రను బయటపెట్టేందుకు కృషి చేస్తున్నాయి.