తెలుగు సినిమాకు కొత్త టెక్నాలజీ ఎంట్రీ

హైదరాబాద్‌లోని ఏఎంబీ క్లాసిక్ విక్టరీలో తెలుగు రాష్ట్రాల్లో తొలి ఐమ్యాక్స్ స్క్రీన్‌ను ప్రారంభించేందుకు ఏఎంబీ సినిమాస్ సిద్ధమవుతోంది. “మ్యాక్స్ పిక్చర్, మ్యాక్స్ సౌండ్, మ్యాక్స్ ఇమర్షన్” కాన్సెప్ట్‌తో ప్రేక్షకులకు ప్రపంచ స్థాయి సినిమా అనుభూతిని అందించనున్నట్లు సంస్థ ప్రకటించింది.

మహేష్ బాబు, ఆసియన్ గ్రూప్ (సునీల్ నారంగ్, భరత్ నారంగ్) భాగస్వామ్యంతో ఏఎంబీ సినిమాస్ ఈ ప్రాజెక్ట్‌ను ముందుకు తీసుకెళ్తోంది. వెంకటేశ్ దగ్గుబాటి, రానా దగ్గుబాటి సహకారంతో రూపుదిద్దుకుంటున్న ఈ మల్టీప్లెక్స్, చారిత్రాత్మక సుదర్శన్ 70ఎంఎం థియేటర్ స్థలంలో నిర్మితమవుతోంది. త్వరలో ప్రారంభం కానున్న ఈ ప్రాజెక్ట్ హైదరాబాద్‌లో ప్రీమియం సినిమా అనుభవాలకు కొత్త దశను తీసుకురానుంది.