ఫైనల్ కంటే నెహ్రా నెయిల్ కట్టింగ్‌దే హాట్ టాపిక్!

అహ్మదాబాద్‌లో జరిగిన ఐపీఎల్ 2026 ఫైనల్లో గుజరాత్ టైటాన్స్ హెడ్ కోచ్ అశీష్ నెహ్రాకు సంబంధించిన ఓ సరదా ఘటన సోషల్ మీడియాలో వైరల్‌గా మారింది. రాయల్ ఛాలెంజర్స్ బెంగళూరుతో జరిగిన కీలక టైటిల్ పోరులో మ్యాచ్ ఉత్కంఠభరితంగా సాగుతున్న సమయంలో నెహ్రా దిగౌట్‌లో ప్రశాంతంగా గోర్లు కత్తిరించుకుంటూ కనిపించారు. ఈ దృశ్యాన్ని కెమెరాలు బంధించడంతో అభిమానులు ఆశ్చర్యానికి గురయ్యారు.

వీడియో సోషల్ మీడియాలో వైరల్ కావడంతో నెటిజన్లు ఫన్నీ మీమ్స్, చమత్కార వ్యాఖ్యలతో హోరెత్తించారు. ఫైనల్ ఒత్తిడిలోనూ నెహ్రా ఏమాత్రం టెన్షన్ లేకుండా కనిపించారని, అతని ఆత్మవిశ్వాసానికి ఇదే నిదర్శనమని పలువురు వ్యాఖ్యానించారు. సీజన్ మొత్తం దిగౌట్‌లో తన ఉత్సాహభరిత హావభావాలతో కనిపించిన నెహ్రా, ఈసారి మాత్రం కూల్‌గా కనిపించి అభిమానులకు మరో గుర్తుండిపోయే క్షణాన్ని అందించారు.