హైదరాబాద్‌లో పలుచోట్ల వర్షం, వడగండ్ల వాన!

హైదరాబాద్ నగరంలోని పలు ప్రాంతాల్లో వర్షం కురిసింది. ఎల్బీనగర్, మీర్‌పేట్, కర్మాన్‌ఘాట్ ప్రాంతాల్లో జల్లులు పడగా, మూసాపేట్, బాలానగర్, కూకట్‌పల్లి ప్రాంతాల్లో కూడా వర్షం నమోదైంది. ఈ అకస్మాత్తు వర్షంతో నగరంలో ఉష్ణోగ్రతలు తగ్గి చల్లదనం నెలకొంది.

పలు ప్రాంతాల్లో వడగండ్ల వాన కురవడంతో ప్రజలు ఆశ్చర్యానికి గురయ్యారు. రహదారులపై నీరు నిలవడంతో వాహనదారులు ఇబ్బందులు ఎదుర్కొన్నారు. మారుతున్న వాతావరణ పరిస్థితులతో మరికొన్ని ప్రాంతాల్లో కూడా వర్షం పడే అవకాశం ఉందని అధికారులు సూచిస్తున్నారు.