ఆస్కార్ అవార్డ్స్ 2026.. ఫుల్ లిస్ట్

2026 ఆస్కార్ అవార్డుల వేడుకలో ప్రపంచ సినీ రంగానికి చెందిన పలు చిత్రాలు గౌరవాలు అందుకున్నాయి. వన్ బ్యాటిల్ ఆఫ్టర్ అనదర్ చిత్రం ఉత్తమ చిత్రంగా ఎంపికైంది. ఈ చిత్రానికి దర్శకత్వం వహించిన పాల్ థామస్ అండర్సన్ ఉత్తమ దర్శకుడిగా నిలిచారు. అదే చిత్రానికి అనువాద కథా రచన విభాగంలో కూడా ఆయన అవార్డు అందుకున్నారు. ఈ సినిమాలో నటించిన షాన్ పెన్ ఉత్తమ సహాయ నటుడిగా ఎంపికయ్యారు. అలాగే ఎడిటింగ్ విభాగంలో యాండీ జుర్గెన్‌సన్, నటుల ఎంపిక విభాగంలో కసాండ్రా కులుకుందిస్ అవార్డులు అందుకున్నారు.

సిన్నర్స్ చిత్రంలో నటించిన మైఖెల్ బి జోర్డాన్ ఉత్తమ నటుడిగా అవార్డు అందుకున్నారు. హామ్నెట్ చిత్రానికి జెస్సీ బక్లే ఉత్తమ నటి అవార్డు లభించింది. వెపన్స్ చిత్రంలో నటించిన అమీ మాడిగన్ ఉత్తమ సహాయ నటి అవార్డు పొందారు. సిన్నర్స్ చిత్రానికి ఛాయాగ్రహణం విభాగంలో ఆటమ్ డురాల్డ్ అర్కపా, సంగీత విభాగంలో లుడ్విగ్ గోరాన్సన్, కథా రచన విభాగంలో ర్యాన్ కూగ్లర్ అవార్డులు అందుకున్నారు.

ఎఫ్ 1 చిత్రానికి గరేత్ జాన్, ఏఐ నెల్సన్, గ్వెన్‌డాలిన్ యేట్స్ విర్టల్, గేరీ ఎ రిజో, జాన్ పెరల్ట సౌండ్ విభాగంలో అవార్డులు గెలుచుకున్నారు. అవతార్ ఫైర్ అండ్ యాష్ చిత్రానికి జో లెటరి, రిచర్డ్ బనెహం, ఎరిక్ సైండన్, డేనియల్ బారెట్ విజువల్ ఎఫెక్ట్స్ విభాగంలో అవార్డులు అందుకున్నారు. ఫ్రాంకెన్‌స్టీన్ చిత్రానికి తమర డేవెరల్, షేన్ వ్యూ ప్రొడక్షన్ డిజైన్ విభాగంలో, మైక్ హిల్, జోర్డాన్ సామ్యూల్, క్లియోనా ఫ్యూరే మేకప్ మరియు హెయిర్ స్టైలింగ్ విభాగంలో, కేట్ హాలే కాస్ట్యూమ్ డిజైన్ విభాగంలో అవార్డులు అందుకున్నారు. కె పాప్ డిమాన్ హంటర్స్ చిత్రానికి ఉత్తమ యానిమేటెడ్ ఫీచర్ ఫిలిం మరియు గోల్డెన్ సాంగ్ పాటకు ఉత్తమ పాట అవార్డు లభించింది. ద గర్ల్ హు క్రైడ్ పర్ల్స్ ఉత్తమ యానిమేటెడ్ షార్ట్ ఫిలిం అవార్డు గెలుచుకోగా, ద సింగర్స్ మరియు టూ పీపుల్ ఎక్స్‌చేంజింగ్ సలైవా ఉత్తమ లైవ్ యాక్షన్ షార్ట్ ఫిలిం అవార్డులు పొందాయి. మిస్టర్ నోబడీ ఎగైన్‌స్ట్ పుతిన్ ఉత్తమ డాక్యుమెంటరీ చిత్రం అవార్డు సాధించగా, ఆల్ ద ఎంప్టీ రూమ్స్ ఉత్తమ డాక్యుమెంటరీ షార్ట్ ఫిలిం అవార్డు గెలుచుకుంది. నార్వే దేశానికి చెందిన సెంటిమెంటల్ వాల్యూ ఉత్తమ అంతర్జాతీయ చిత్రంగా ఎంపికైంది.