సమ్మర్ రిలీజ్ కు రెడీ అవుతున్న హర్షిత్ రెడ్డి "దీవాన" మూవీ

“శుభం” సినిమాతో మంచి విజయం సాధించిన యువ నటుడు హర్షిత్ రెడ్డి హీరోగా నటిస్తున్న కొత్త సినిమా “దీవాన”. ఈ చిత్రాన్ని అర్హ మీడియా మరియు వీ స్టూడియోస్ బ్యానర్లపై వాసుదేవ్ కొప్పినేని, శ్రీదేవి కార్యంపూడి నిర్మిస్తున్నారు. దర్శకుడు శ్రీకాంత్ సంగిశెట్టి ఈ సినిమాను అందమైన ప్రేమకథగా రూపొందిస్తున్నారు. ప్రముఖ డిస్ట్రిబ్యూషన్ సంస్థ గీతా ఫిలిం డిస్ట్రిబ్యూటర్స్ ఈ సినిమాను విడుదల చేయనున్నట్లు అధికారికంగా ప్రకటించింది. ఈ సమ్మర్‌లో ఈ చిత్రం గ్రాండ్‌గా థియేటర్లలో విడుదలకు సిద్ధమవుతోంది.

“దీవాన” సినిమా ఫస్ట్ లుక్ పోస్టర్ విడుదలైనప్పటి నుంచే ప్రేక్షకుల దృష్టిని ఆకర్షిస్తోంది. ఇటీవల వాలెంటైన్స్ డే సందర్భంగా విడుదల చేసిన స్టోరీ పోస్టర్‌కు కూడా మంచి స్పందన వచ్చింది. భావోద్వేగభరితమైన ప్రేమకథతో తెరకెక్కుతున్న ఈ సినిమా హర్షిత్ రెడ్డి కెరీర్‌లో మరో గుర్తుండిపోయే చిత్రంగా నిలుస్తుందని భావిస్తున్నారు.