ఆహా ఓటీటీ మిస్టికల్ థ్రిల్లర్ సిరీస్ "పోచమ్మ" టైటిల్ గ్లింప్స్ రిలీజ్

లీడింగ్ తెలుగు ఓటీటీ ప్లాట్‌ఫామ్ ఆహా మరో కొత్త వెబ్ సిరీస్ “పోచమ్మ” ను తన సబ్‌స్క్రైబర్ల కోసం తీసుకొస్తోంది. మిస్టికల్ థ్రిల్లర్‌గా రూపొందుతున్న ఈ సిరీస్‌కు సంబంధించిన టైటిల్ గ్లింప్స్ తాజాగా విడుదలైంది. “మీ పాపాలకు ఒక సాక్షి ఉంటుంది..” అనే ట్యాగ్‌లైన్‌తో వచ్చిన ఈ గ్లింప్స్ ప్రేక్షకుల్లో ఆసక్తిని పెంచుతోంది. గ్లింప్స్‌లో వినిపించే ఇంటెన్స్ బ్యాక్‌గ్రౌండ్ మ్యూజిక్ కూడా వెంటనే ప్రేక్షకుల దృష్టిని ఆకర్షిస్తోంది. విడుదలైన వెంటనే ఈ వీడియో సోషల్ మీడియాలో వైరల్ అవుతోంది.

థ్రిల్లింగ్ అంశాలతో పాటు దైవిక కథాంశంతో రూపొందుతున్న ఈ వెబ్ సిరీస్ ప్రేక్షకులకు కొత్త అనుభూతిని ఇవ్వబోతోందని భావిస్తున్నారు. ఈ గ్లింప్స్ చూసిన కొంతమంది నెటిజన్లు ఈ కథను సినిమాగా థియేటర్లలో కూడా విడుదల చేయాలని సూచిస్తున్నారు. “పోచమ్మ” వెబ్ సిరీస్‌ను శ్రుతి నాయుడు చిత్ర బ్యానర్ పై శ్రుతి నాయుడు నిర్మిస్తున్నారు. ఈ సిరీస్‌కు సంబంధించిన మరిన్ని వివరాలు మరియు స్ట్రీమింగ్ తేదీని త్వరలో ఆహా ప్రకటించనుంది.