ట్రంప్ పాలనకు వ్యతిరేకంగా అమెరికాలో ‘నో కింగ్స్’ నిరసనలు!

అమెరికా అధ్యక్షుడు డొనాల్డ్ ట్రంప్ పరిపాలనా విధానాలకు వ్యతిరేకంగా దేశవ్యాప్తంగా “నో కింగ్స్” పేరుతో భారీ నిరసనలు చెలరేగాయి. నిర్వాహకుల ప్రకారం, ఇవి అమెరికా చరిత్రలోనే అతిపెద్ద నిరసనల్లో ఒకటిగా నిలిచే అవకాశముంది. మిన్నెసోటా ఈ ఉద్యమానికి కేంద్రబిందువుగా మారింది. 50 రాష్ట్రాల్లో 3,100కి పైగా ప్రదేశాల్లో జరిగిన ఈ నిరసనల్లో 90 లక్షల మందికి పైగా ప్రజలు పాల్గొన్నట్లు తెలిపారు. ‘‘లాభాల కోసం యుద్ధమా? మా సైనికులు అమ్మకానికి లేరు’’ అంటూ ప్రజలు నినాదాలు చేశారు.

అయితే వైట్ హౌస్ ఈ నిరసనలను కొట్టిపారేసింది. ఇవి ప్రజల మద్దతు లేని వామపక్షాల ఆధ్వర్యంలో జరుగుతున్నాయని పేర్కొంది. ఈ పరిణామాలు అమెరికాలో పెరుగుతున్న రాజకీయ విభేదాలను మరోసారి వెలుగులోకి తీసుకొచ్చాయి.