యూత్ గ్రాండ్ తెలుగు విడుదలకు సిద్ధం..!

కెన్ కరునాస్, అనిష్మ అనిల్ కుమార్, దేవదర్శిని, సూరజ్ వెంజరముడు, ప్రియాన్షి యాదవ్, మీనాక్షి దినేష్ ప్రధాన పాత్రల్లో నటించిన యూత్ సినిమా ఈ నెల 26 న తెలుగులో విడుదలకు సిద్ధమవుతోంది. తమిళంలో ఇప్పటికే మంచి విజయం సాధించిన ఈ చిత్రాన్ని వినీత్, సందీప్ ఈ2సీ బ్యానర్ పై తెలుగు ప్రేక్షకుల ముందుకు తీసుకువస్తున్నారు. హైదరాబాద్‌లో ఘనంగా నిర్వహించిన ప్రీ రిలీజ్ ఈవెంట్‌లో శ్రీ విష్ణు, సత్యదేవ్ తదితరులు పాల్గొని చిత్ర బృందానికి మద్దతు తెలిపారు.

ఈ సందర్భంగా శ్రీ విష్ణు మాట్లాడుతూ యూత్ సినిమా తమిళంలో లాగే తెలుగులో కూడా ఘన విజయం సాధిస్తుందని విశ్వాసం వ్యక్తం చేశారు. సినిమా ఫ్రెండ్షిప్, లవ్, ఎమోషన్స్, జీవితంలోని అనుభవాలను ప్రతిబింబించేలా ఉంటుందని చిత్రబృందం తెలిపింది. అన్ని వర్గాల ప్రేక్షకులను ఆకట్టుకునేలా రూపొందిన ఈ చిత్రం మంచి స్పందన అందుకుంటుందనే నమ్మకంతో టీమ్ ఉంది.