“నన్ను చూసి రోహిత్ శర్మ అంటున్నారు”… శర్వానంద్ కామెంట్స్ వైరల్

భారత జట్టు మాజీ వన్డే కెప్టెన్ రోహిత్ శర్మ గురించి టాలీవుడ్ హీరో శర్వానంద్ ఆసక్తికర వ్యాఖ్యలు చేశారు. ఇటీవల తనను చూసి చాలా మంది రోహిత్ శర్మలా ఉన్నారని చెబుతున్నారని ఆయన వెల్లడించారు. శర్వానంద్ నటిస్తున్న తాజా చిత్రం “బైకర్” ట్రైలర్ రిలీజ్ ఈవెంట్ సందర్భంగా ఈ వ్యాఖ్యలు చేశారు. ఈ స్పోర్ట్స్ యాక్షన్ డ్రామాలో శర్వానంద్ హీరోగా నటిస్తుండగా, మాళవిక నాయర్ హీరోయిన్‌గా నటిస్తున్నారు. అభిలాష్ రెడ్డి దర్శకత్వం వహిస్తున్న ఈ చిత్రంలో సీనియర్ నటుడు రాజశేఖర్ కీలక పాత్రలో కనిపించనున్నారు. ఈ సినిమా వచ్చే నెల 3న విడుదలకు సిద్ధమవుతోంది.

ఈ సందర్భంగా రోహిత్ శర్మ బయోపిక్‌లో నటించే అవకాశంపై శర్వానంద్ స్పందిస్తూ, తన దగ్గరకు అలాంటి కథ వస్తే తప్పకుండా ఆలోచిస్తానని తెలిపారు. రోహిత్ శర్మ జీవిత కథ ఎంతో స్ఫూర్తిదాయకమని పేర్కొన్నారు. ట్రైలర్ ఈవెంట్‌లో భాగంగా, భవిష్యత్తులో రోహిత్ శర్మ లేదా విరాట్ కోహ్లీ బయోపిక్‌లో నటించే అవకాశం ఉందా అనే ప్రశ్నకు శర్వానంద్ ఇచ్చిన సమాధానం ప్రస్తుతం సోషల్ మీడియాలో వైరల్‌గా మారింది.