బండి సంజయ్ కొత్త అవతారం: సింగర్

కేంద్ర హోంశాఖ సహాయ మంత్రి బండి సంజయ్ కుమార్ గాయకుడిగా కొత్తగా కనిపిస్తున్నారు. ఆర్ఎస్ఎస్ స్థాపనకు 100 సంవత్సరాలు పూర్తవుతున్న సందర్భంగా ఆయన ఆ సంస్థకు సంబంధించిన గీతాలను పాడారు. గతంలో ఆర్ఎస్ఎస్‌లో పనిచేసిన అనుభవంతో, జాతీయవాదం మరియు హిందుత్వ భావాలను ప్రజల్లోకి తీసుకెళ్లాలనే ఉద్దేశంతో ఈ పాటలు పాడినట్లు తెలిపారు.

ఇప్పటికే ఈ గీతాల ప్రోమోలు సోషల్ మీడియాలో వైరల్ అవుతున్నాయి. శ్రీరామనవమి సందర్భంగా కరీంనగర్‌లో ఈ పాటలను అధికారికంగా విడుదల చేయనున్నారు. ప్రజల నుంచి మంచి స్పందన వస్తుండగా, ఈ విషయం రాజకీయంగా కూడా చర్చకు దారి తీసింది.