ఢిల్లీ లో పేలుడు: టెర్రరిస్ట్‌కు ఇతర వాహనం ఉన్నట్లు గుర్తింపు

ఢిల్లీ లోని ఎర్రకోట (Red Fort) సమీపంలో పేలిన హ్యుందాయ్ i20 కారుతో పాటు, ఆ టెర్రరిస్ట్‌కు మరో కారు కూడా ఉన్నట్లు నిఘా వర్గాలు గుర్తించాయి. అతడు మరో వాహనాన్ని ఉపయోగించి ప్రయాణించినట్లు సమాచారం.

ఈ నేపథ్యంలో ఢిల్లీ, హర్యానా , ఉత్తరప్రదేశ్ పోలీసు బృందాలు ఫోర్డ్ కంపెనీకి చెందిన ఎకోస్పోర్ట్ రెడ్ కలర్ కారును గాలిస్తున్నాయి. జాతీయ మాధ్యమాలు వెల్లడించిన వివరాల ప్రకారం, ఆ కారు ఉమర్ నబీ పేరుతో నమోదు చేయబడి ఉంది. వాహనం నంబర్‌ DL10CK0458 అని సమాచారం.

పోలీసులు వాహనం వెతకడంలో వేగం పెంచి, సీసీటీవీ ఫుటేజ్ మరియు వాహన రికార్డులను పరిశీలిస్తున్నారు. కేసు విచారణను అన్ని దిశల్లో కొనసాగిస్తున్నట్లు అధికారులు తెలిపారు.