బాల్క సుమన్ కేసులో ట్విస్ట్...న్యాయస్థానం కీలక ఆదేశం

బీఆర్ఎస్ మాజీ ఎమ్మెల్యే బాల్క సుమన్‌కు నాంపల్లి కోర్టు 14 రోజుల జ్యుడిషియల్ రిమాండ్ విధించింది. సింగరేణి అధికారుల ఫిర్యాదు ఆధారంగా కేసు నమోదు కావడంతో పోలీసులు ఆయనను చంచల్‌గూడ జైలుకు తరలించారు.

సింగరేణి సంస్థ ఆస్తులు ధ్వంసం చేయాలని, కార్యాలయాలపై దాడులకు పిలుపునిచ్చారనే ఆరోపణలతో కేసు నమోదైంది. జూనియర్ ఇన్‌స్పెక్టర్ ఆనంద్ వీడియో ఆధారాలతో సహా ఫిర్యాదు చేయగా, అవి కేసులో కీలక సాక్ష్యాలుగా పోలీసులు పేర్కొన్నారు. సింగరేణి ఉద్యోగుల భద్రతకు ముప్పు ఉందని ఫిర్యాదులో పేర్కొన్నారు.

బాల్క సుమన్‌పై భారతీయ న్యాయ సంహితలోని పలు సెక్షన్లు, అలాగే పీడీపీపీ చట్టం కింద కేసులు నమోదు చేసినట్లు పోలీసులు తెలిపారు. హిమాయత్‌నగర్‌లోని న్యాయమూర్తి నివాసంలో ఆయనను హాజరుపరిచి రిమాండ్‌కు తరలించారు. ఆయనపై గతంలోనూ కేసులు ఉన్నాయని పోలీసులు పేర్కొన్నారు.