బెంగళూరు జైలులో ఖైదీల మద్యం పార్టీ వీడియో సంచలనం

బెంగళూరు జైలు మళ్లీ వార్తల్లోకి వచ్చింది. ఇటీవల ఐసిస్ రిక్రూటర్ జైలులో VIP సౌకర్యాలు పొందుతున్న వీడియో బయటకు వచ్చిన విషయం తెలిసిందే. ఇప్పుడు మరో షాకింగ్ వీడియో సోషల్ మీడియాలో వైరల్‌గా మారింది. ఈసారి ఖైదీలు జైల్లోనే మద్యం తాగుతూ, పాటలు పాడుతూ, నృత్యాలు చేస్తూ పార్టీ చేసుకుంటున్న దృశ్యాలు బయటకు వచ్చాయి. జైలు భద్రత ఎలా ఉందన్న ప్రశ్నలు మరోసారి తలెత్తుతున్నాయి. ఖైదీల వద్ద మద్యం, మొబైల్ ఫోన్లు వంటి నిషేధిత వస్తువులు ఎలా చేరాయి? అనే అంశంపై దర్యాప్తు ప్రారంభమైంది.