యుజ్వేంద్ర చాహల్‌తో డేటింగ్ పై షెఫాలీ బగ్గా స్పందన!

బిగ్‌బాస్ 13 ఫేమ్, స్పోర్ట్స్ ప్రెజెంటర్ షెఫాలీ బగ్గా టీమిండియా స్పిన్నర్ యుజ్వేంద్ర చాహల్తో డేటింగ్ చేస్తున్నట్లు వచ్చిన వార్తలను తీవ్రంగా ఖండించింది. ఒక చిన్నపాటి పార్టీలో కలిసి డిన్నర్ చేసినంత మాత్రాన దాన్ని సంబంధంగా ప్రచారం చేయడం తప్పని ఆమె మండిపడింది. ఇలాంటి అసత్య వార్తలతో తాను విసిగిపోయానని పేర్కొంటూ, తన వ్యక్తిగత జీవితం మరియు వృత్తిని కలిపే ఉద్దేశం లేదని స్పష్టం చేసింది.

ఇంటర్వ్యూలో మాట్లాడుతూ, తాను విరాట్ కోహ్లీ మరియు ఎంఎస్ ధోనిలకు అభిమానినని తెలిపింది. అలాగే, కోహ్లీ తన భార్య అనుష్క శర్మపై చూపించే ప్రేమ, అంకితభావం తనకు ఎంతో నచ్చుతుందని చెప్పింది. భవిష్యత్తులో తనకు అలాంటి గుణాలు కలిగిన భాగస్వామి కావాలని అభిప్రాయపడింది. అయితే ప్రస్తుతం ప్రేమ, పెళ్లి కంటే తన కెరీర్‌కే ప్రాధాన్యం ఇస్తున్నానని షెఫాలీ స్పష్టం చేసింది.