ఏపీ ఉద్యోగులకు గుడ్ న్యూస్

ఆంధ్రప్రదేశ్ ప్రభుత్వం రాష్ట్ర ఉద్యోగుల సాధారణ బదిలీలపై ఉన్న నిషేధాన్ని ఎత్తివేసి, పరిమిత కాలానికి బదిలీలకు అనుమతించింది. అధికారిక షెడ్యూల్ ప్రకారం, వచ్చే నెల 1 నుండి 31 వరకు బదిలీలు జరుగుతాయి. ఒకే పోస్టింగ్‌లో మూడేళ్లు పూర్తి చేసుకున్న ఉద్యోగులు బదిలీ కావాల్సి ఉండగా, వివాహిత జంటలకు కొన్ని సడలింపులు కల్పించారు.

బదిలీల ప్రక్రియను అమలు చేయడానికి ఆర్థిక శాఖ అవసరమైన ఉత్తర్వులు జారీ చేసింది. ఈ నెల రోజుల గడువు ముగిసిన తర్వాత, 2026 జూన్ 1 నుండి బదిలీలపై నిషేధాన్ని తిరిగి విధిస్తామని ప్రభుత్వం స్పష్టం చేసింది.