ఏపీ సీఎం చంద్రబాబు బయోపిక్‌!

రాజధాని ఫైల్స్ సినిమాతో మంచి పేరు సంపాదించిన దర్శకుడు భాను ఇప్పుడు మరో ప్రతిష్ఠాత్మక చిత్రానికి సిద్ధమవుతున్నాడు. ఈసారి ఆంధ్రప్రదేశ్ ముఖ్యమంత్రి నారా చంద్రబాబు నాయుడు జీవితంలోని ముఖ్య సంఘటనలను ఆధారంగా చేసుకుని ఒక బయోపిక్ తెరకెక్కించనున్నాడు.

సాధారణుడిగా ప్రారంభమైన చంద్రబాబు ప్రయాణం ప్రపంచ స్థాయిలో గుర్తింపు పొందిన నాయకుడిగా మారడం ఎంతో ప్రేరణాత్మకమని దర్శకుడు పేర్కొన్నాడు. ప్రజల సంక్షేమం కోసం, భవిష్యత్తు తరాల కోసం నిరంతరం కృషి చేసిన దూరదృష్టి నాయకుడిగా ఆయనను చిత్రంలో చూపించనున్నాడు. ఆయన జీవితంలోని ప్రతి దశలో భావోద్వేగం, పోరాటం, కృషి ఉంటాయని తెలిపాడు.

ఈ సినిమాను ప్రపంచవ్యాప్తంగా విడుదలయ్యేలా అనేక భాషల్లో రూపొందించేందుకు ప్రణాళిక చేస్తున్నారు. భారీ తారాగణం, నిపుణులైన సాంకేతిక బృందంతో ఈ చిత్రాన్ని గొప్పగా నిర్మించనున్నారు. టైటిల్, నిర్మాణ సంస్థ, షూటింగ్ వివరాలు త్వరలో ప్రకటించనున్నారు.