TG:ఆస్తి పన్ను బకాయిదారులకు వన్ టైం స్కీమ్ ఆఫర్, ప్రభుత్వం ఉత్తర్వులు

ఏళ్లుగా ఆస్తి పన్ను బకాయిలతో ఇబ్బంది పడుతున్న హైదరాబాద్ ప్రజలకు ప్రభుత్వం పెద్ద ఊరట కల్పించింది. పెండింగ్‌లో ఉన్న ఆస్తి పన్ను బకాయిల పై ‘వన్ టైమ్ స్కీమ్’ అమలు చేయాలని ప్రభుత్వం నిర్ణయించింది.

ఈ మేరకు తాజాగా G.O.Rt. No. 869 ను విడుదల చేసింది. ఈ స్కీమ్ ప్రకారం పాత ఆస్తి పన్ను బకాయిల పై ఉన్న వడ్డీలో 90 శాతం వరకు మాఫీ ఇవ్వనున్నారు. బకాయిల్లో మిగిలిన అసలు మొత్తంతో పాటు కేవలం 10 శాతం వడ్డీ చెల్లిస్తే సరిపోతుంది.

ఈ వెసులుబాటు హైదరాబాద్ నగరవాసులకు మాత్రమే వర్తిస్తుందని GHMC స్పష్టం చేసింది. అలాగే 2025–26 ఆర్థిక సంవత్సరానికి సంబంధించిన బకాయిల పై, ప్రభుత్వ మరియు ప్రైవేట్ సంస్థలన్నింటికీ ఈ స్కీమ్ వర్తిస్తుందని ఉత్తర్వుల్లో పేర్కొన్నారు.

కావున, ఈ అవకాశాన్ని వినియోగించుకుని ఆస్తి పన్ను బకాయిలను త్వరగా చెల్లించాలని అధికారులు సూచిస్తున్నారు.