వర్జీనియాలో ఘోర రోడ్డు ప్రమాదం.. ఐదుగురు మృతి, పలువురికి గాయాలు

అమెరికాలోని వర్జీనియా రాష్ట్రంలో ఘోర రోడ్డు ప్రమాదం చోటుచేసుకుంది. వేగంగా వెళ్తున్న ఓ బస్సు అదుపుతప్పి రహదారిపై ఉన్న పలువాహనాలపైకి దూసుకెళ్లడంతో తీవ్ర విషాదం నెలకొంది. ఈ ప్రమాదంలో ఐదుగురు అక్కడికక్కడే ప్రాణాలు కోల్పోగా, పలువురు తీవ్రంగా గాయపడినట్లు అధికారులు వెల్లడించారు.

ప్రమాదం జరిగిన వెంటనే అత్యవసర సిబ్బంది సంఘటనా స్థలానికి చేరుకుని సహాయక చర్యలు చేపట్టారు. గాయపడిన 34 మందిని సమీప ఆస్పత్రులకు తరలించి చికిత్స అందిస్తున్నారు. ప్రమాదానికి గల కారణాలపై అధికారులు దర్యాప్తు ప్రారంభించగా, ఘటన స్థానికంగా తీవ్ర కలకలం రేపింది.