వైభవ్ క్రేజ్‌తో టిక్కెట్లకు డిమాండ్

భారత యువ క్రికెటర్ వైభవ్ సూర్యవంశీ అంతర్జాతీయ అరంగేట్రానికి ముందే ఐర్లాండ్‌లో భారీ ఆదరణను సొంతం చేసుకున్నాడు. ఈ నెల 26 నుంచి బెల్‌ఫాస్ట్ వేదికగా భారత్-ఐర్లాండ్ మధ్య జరగనున్న రెండు టీ20 మ్యాచ్‌ల సిరీస్‌కు ముందు అతడిపై అభిమానుల్లో విపరీతమైన ఆసక్తి నెలకొంది. భారత జెర్సీలో వైభవ్‌ను చూడాలనే ఉత్సాహంతో యూరప్‌లోని పలు దేశాల నుంచి అభిమానులు బెల్‌ఫాస్ట్‌కు చేరుకునేందుకు సిద్ధమవుతున్నారు.

స్టోర్మాంట్ క్రికెట్ మైదానంలో సుమారు 7,000 మంది ప్రేక్షకులకు మాత్రమే సీట్లు అందుబాటులో ఉండగా, టిక్కెట్లకు భారీ డిమాండ్ ఏర్పడింది. ఈ నెల 26న తొలి మ్యాచ్, 28న రెండో మ్యాచ్ జరగనున్నాయి. తుది జట్టులో చోటు దక్కితే, ఐర్లాండ్‌తో జరిగే మ్యాచ్ వైభవ్ సూర్యవంశీకి తొలి అంతర్జాతీయ మ్యాచ్‌గా నిలవనుంది. అతడి అరంగేట్రంపై యూరప్ వ్యాప్తంగా ఆసక్తి నెలకొనడం విశేషంగా మారింది.