టాటా సన్స్‌ చైర్మన్‌గా చంద్రశేఖరన్‌ రాజీనామా

టాటా సన్స్‌ చైర్మన్‌ ఎన్. చంద్రశేఖరన్‌ తన పదవికి రాజీనామా చేసినట్లు సమాచారం. ఆయన ప్రస్తుత పదవీకాలం 2027 ఫిబ్రవరి వరకు ఉండగా, ఈ నెల 18న జరగనున్న టాటా గ్రూప్‌ జనరల్‌ బాడీ సమావేశానికి ముందే రాజీనామా చేయడం ప్రాధాన్యత సంతరించుకుంది. టాటా గ్రూప్‌లో కీలకమైన నాయకత్వ మార్పుపై ఇప్పుడు ఆసక్తి నెలకొంది.

చంద్రశేఖరన్‌ రాజీనామా నేపథ్యంలో టాటా సన్స్‌కు తదుపరి చైర్మన్‌ ఎవరనే అంశంపై ఉత్కంఠ కొనసాగుతోంది. గ్రూప్‌ భవిష్యత్‌ నాయకత్వంపై కీలక నిర్ణయాలు తీసుకునే అవకాశం ఉందని పరిశ్రమ వర్గాల్లో చర్చ జరుగుతోంది. అయితే రాజీనామా, తదుపరి చైర్మన్‌ ఎంపికపై అధికారిక ప్రకటన వెలువడాల్సి ఉంది.